A curuxa tamén comezou o cole!

Un novo curso comeza e, por suposto, a curuxa tamén está preparada e con moitas ganas de xogar. Durante a primeira semana de clase foi aparecéndose polas clases de 4º EP, 5º EP e 6º EP, sen dicir nada, creando un enigma. 

E vós, resolvéstelo? 

 

IV Mercado solidario

E por fin chegou o día!!

O sábado 3 de xuño montamos o noso posto solidario!! Aquí tedes algunhas fotiños!!

  

Protectora de Animais do Morrazo: entrevista e charla de concienciación no colexio

Esta foi unha semana moi especial, chea de emocións e de proxectos, enmarcada na realización do "IV Mercado solidario" para recaudar material para a Protectora de Animais do Morrazo. 

O martes, Lore e Sandra da Prote viñeron ao colexio a impartir unha charla de concienciación sobre ter un pelud@ na familia. Falaron da responsabilidade que implica a todos os niveis e da importancia de respectar a todos os seres vivos. Tamén nos contaron en que consiste o seu traballo e aprendimos que, ademais de precioso, é moi duro.

O xoves o alumnado curuaxudante visitou as instalacións e foi pasear algúns dos cans e cadelas que están alí e que aínda non foron adoptados. Despois do paseo, vimos as instalacións e puidemos gozar dun almorzo cunha banda sonora de ladridos :) Neste contexto, Vega e Leyre de 5º de Educación Primaria fixéronlles unha entrevista a Lore e a Clara preguntándolles algunhas das súas inquedanzas. Velaquí tedes a entrevista!!

Entrevista a Lore e Clara da Protectora de Animais do Morrazo

Fotos da visita de Lore e Sandra

   

 

Fotos da visita do alumnado curuaxudante ás instalacións da Protectora de Animais do Morrazo

 

 

Entrevista a Paula Suárez

O pasado venres 19 de maio tivemos a visita de Paula Suárez, pedagoga e autora do libro “O mundo de cores de Roque e Lía”. Con ela descubrimos un mundo cheo de cores no que apreciar o valor das diferentes formas de ser e estar no mundo. 

Ademais, tivemos a sorte de poder compartir un ratiño máis con ela e entrevistala para que nos contase que hai detrás dun proceso creativo como o de contar historias que emocionan e facer un breve percorrido pola súa traxectoria profesional.

Aquí podedes ver a entrevista.

Semana do libro. Literatura e cine.

Hai uns días contámosvos que a curuxa pasou polas clases traendo un súper xogo. Durante os días previos, cada clase preparou unha escena na que representaba unha parte dun conto, e claro, como estamos traballando o cine decidimos que gravala era a mellor opción.

Pois aquí tedes a oportunidade de xogar!! Animádesvos?

Preme na primeira imaxe para xogar ao xogo de educación infantil, preme na segunda para xogar ao de educación primaria.

Semana do libro. Día 5: xogo e contacontos

E como colofón a esta marabillosa semana, a Curuxa apareceu polas clases e con ela trouxo un súper xogo no que o alumnado tiña que adiviñar o conto proposto.

Pasámolo incriblemente ben!!

Ademais, como remate final dos contacontos, a clase de 1º EP recibiu a visita de Mónica. Moitas grazas por vir!!

Semana do libro. Día 4: contacontos

Neste terceiro día de contacontos agradecemos a visita e o tempo de Jose, de Ángela, de Belén e de Rebeca.

Só dicirvos que nos encanta que veñades ao cole e que teñades tantas ganas de participar!! Mil grazas por formar parte!!